-
Created: Wednesday, 01 February 2023
Денес Министерот за правда, проф.д-р Никола Тупанчески беше во посета на Универзитетот „Гоце Делчев“ и Правниот факултет во Штип.
Министерот оствари средба со Деканот на Правниот Факултет - проф. д-р Олга Кошевалиска, дел од професорите како и студентите. Целта на посетата беше запознавање на министерот со условите за студирање, предизвиците на правните студии, можностите за практична работа на студентите, но и на дипломираните правници како и работата на Правната Клиника. Министерот ги запозна студентите со тековните реформи во законодавството кои што набрзо да бидат донесени, особено за нацртот на новиот Кривичен законик кој се очекува да биде донесен оваа година, како и за моменталните проблеми и предизвици во функционирањето на судовите.
Министерот оствари средба и со Ректорот, проф. д-р Дејан Мираковски на која што дискутираше исто така за релевантните законски измени особено во делот за новиот концепт на еколошка казнена правда како и за безрезервната поддршка на Министерството на Правната Клинка на Правниот Факултет.
