На 6.6.2023 г., со почеток во 9 часот, на Правен факултет - УГД ќе се одржи Меѓународна конференција насловена „Одржливиот развој во правото и во политиките: патоказ за достигнување на целите на одржлив развој на Обединетите нации“.

Конференцијата претставува завршна активност од научноистражувачкиот проект на Правен факултет „Концептот на одржлив развој во правото и во политиките“, и во делот на превенција на родово-базирано насилство и антидискриминација е дел од проектите активности на проектот „Зацврстување на владеењето на правото и човековите права во Република Северна Македонија“, поддржан од Мисијата на ОБСЕ во Скопје. Исто така, Конференцијата е во заедничка организација на Универзитетот „Гоце Делчев“ - Штип и Универзитетот во Мишколц - Унгарија.
Конференцијата има интердисциплинарен карактер и во неа ќе учествуваат не само претставници од академската заедница од државата и од странство, туку и студенти од прв, втор и трет циклус студии. 
Конференцијата ќе се одржи на хибриден начини, односно во просториите на Правен факултет, УГД и на платформата МS teams преку следниот Conference link. 
Во прилог може да ја најдете агендата на Конференцијата. 

MK Agenda_6th June Conference(.pdf)

poster MK(.pdf)
Ве очекуваме!