Во периодот од 16 до 23 јануари 2024 година вонреден професор д-р Марија Амповска оствари мобилност за предавања поддржана од Erasmus plus програмата, клучна акција 1, каде што институција домаќин беше Правниот факултет при Универзитетот во Виена.

Во рамките на оваа мобилност, а во соработка и коорганизација со професор Крис Томале од Институтот за корпоративно и деловно право, за студентите на Правниот факултет беше организиран семинар на тема „Откривање на нови хоризонти: Анализа на предложената правна рамка за регулирање на граѓанската одговорност за вештачка интелигенција во ЕУ и импактот на корпоративните финансии”. Соработката меѓу двете институции ќе продолжи и во иднина врз основа на интеринституционалната спогодба потпишана меѓу двата универзитети, а фокусот ќе биде ставен на размената на академски кадар помеѓу правните факултети.