На ден 19.12.2023 година (вторник) со почеток во 11.00 часот, ќе се одржи јавна одбрана на магистерскиот труд со наслов „Граѓанското учество во креирањето на политиките на локално ниво преку моделот на Мој општинар“ на кандидатот Вишна Ристовска Петров – студент на втор циклус на Правен факултет при Универзитет „Гоце Делчев“ во Штип.

Јавната одбрана ќе се одржи во свечената сала на Правен факултет.

На ден 23.11.2023 година (четврток) со почеток во 9.30 часот ќе се одржи јавна одбрана на магистерскиот труд со наслов „Анализа на злоупотреба на имунитет – сенката на дипломатите“ на кандидатката Надица Пилешкова – студент на втор циклус студии на Правен факултет при Универзитет „Гоце Делчев“ во Штип.

Јавната одбрана ќе се одржи во свечената сала на Правен факултет.

Повик за доставување на трудови во меѓународното списание „EUWEB Legal Essays. Global & International Perspectives“, во специјално издание на тема „Promoting Public Awareness on the Fight Against Transnational Crimes, the Role of Police and Judicial Cooperation and Respect for Fundamental Rights“.

Заинтересирани автори треба да достават предлог за учество не подолг од две до три странци, во којшто ќе биде содржано предлог истражувањето и динамиката на истражувањето. Ракописите ќе подлежат на процес на двојна рецензија.

 Предлозите треба да се испратат во ПДФ документ на Оваа е-адреса е заштитена од спамботови. Треба да ви е овозможено JavaScript за да ја видите. и при праќање на истите да се наведе во насловот дека се предлози за EUWEB Special Issue.

Рокот за доставување на предлозите е до 31 октомври 2023 г.

   Преглед на важни датуми:

• Рок за доставување на предлог истражување: 31 октомври 2023 г.
• Известување за прифатени апстракти: 13 ноември 2023 г.
• Доставување на целосен труд (подготвен за објава): 15 декември 2023 г.
• Публикација (публикација на трудот по завршување на процес на двојна рецензија): 31 јануари 2024 г.
  
  За дополнителни информации обратете се кај: д-р Ана Никодиновска-Крстевска, придружен уредник на EUWEB Legal Essays – Оваа е-адреса е заштитена од спамботови. Треба да ви е овозможено JavaScript за да ја видите.

Датум: 21 ноември 2023 година

Место на одржување: Правен факултет „Јустинијан Први“ во Скопје

Заднина:
Омразата и дискриминацијата претставуваат сè поголеми предизвици во осигурувањето дека сите луѓе можат подеднакво да ги уживаат своите човекови права. Говорот на омраза како форма на дискриминаторско изразување е сериозна грижа за човековите права. Тој е алатка која честопати се користи за замолчување и заплашување на малцинствата и за таргетирање на цели групи во општеството. Без разлика дали се користи од политичарите или се шири од медиумите или во онлајн сферата, говорот на омраза може да создаде средини погодни за дискриминација, насилство и други прекршувања на човековите права. Во овој контекст, тој има директно влијание и врз одржувањето или засилувањето на веќе постоечките практики на системска дискриминација на ранливите групи во општествата.
Меѓународното право, како и поголемиот дел од земјите на Европа, како и останатите земјите заземаат став кон говорот на омраза како посебно штетен за слободата и еднаквоста во општествата кои стануваат мултикултурни. Ваквиот пристап носи повеќеслојно поимање на штетата од говорот на омраза. Штетата е видена не само во смисла на нарушување на јавниот ред, поттикнување на насилство и сл., туку, и пред сѐ, во повредата на достоинството на индивидуите и дискриминацијата која во него е содржана и која со него се поттикнува.
Во ова светло, покануваме трудови кои рефлектираат различни аспекти на односот помеѓу дискриминацијата и говорот на омраза на академскиот кадар и студентите од трите партнерски факултети/универзитети, на истражувачи и практичари во која било фаза од нивната кариера, експерти и  претставници на институции.

 Детали за поднесување:  
Заинтересираните учесници се поканети да го пријават своето учество со наслов на излагањето најдоцна до 1 ноември 2023 година, на следниов мејл: Оваа е-адреса е заштитена од спамботови. Треба да ви е овозможено JavaScript за да ја видите.

 Конференцијата е заеднички настан помеѓу Правниот факултет „Јустинијан Први“ во Скопје, Универзитетот на Југоисточна Европа и Правниот факултет на Универзитетот „Гоце Делчев“ во Штип, како дел од активностите спроведени во соработка на трите факултети/универзитети со Мисијата на ОБСЕ во Скопје.

Правен факултет при Универзитет „Гоце Делчев“ - Штип објавува Повик за објавување трудови во 16. број на „Student’s Social Science Journal“, списание наменето за студенти запишани на дипломски, магистерски и докторски студии.

Списанието е од областа на правото, политичките науки и социологијата и прифаќа стручни и научни трудови. Јазиците на објавување се македонски, англиски, српски, бугарски, хрватски и италијански јазик. Весникот има меѓународен уреднички одбор и е отворен за странски студенти. SSSJ се објавува двапати годишно, во јуни и во декември.

Изданијата може да се преземат на следниов линк:  http://js.ugd.edu.mk/index.php/sssj

Целиот Повик го имате во прилог на оваа објава.

На 10.10.2023 година (вторник) со почеток во 10.00 часот ќе се одржи јавна одбрана на магистерскиот труд со наслов „Законските, програмските и етичките основи за оценување на административните службеници и нивната примена во практиката“ на кандидатот Мартин Трајчевски – студент на втор циклус студии на Правен факултет при Универзитет „Гоце Делчев“ во Штип.

Јавната одбрана ќе се одржи во свечената сала на Правен факултет.