На 26.03.2021 со почеток во 9.00 часот, доцент д-р Елена Максимова од Правниот факултет, УГД – Штип ќе учествува на меѓународна конференција на тема European Judges and migration, организирана од страна на Универзитетот во Лион „Жан Мулен 3“, под раководство на проф. Кјара Нери (Kiara Neri) и Жули Фереро (Julie Ferrero), во рамките на Жане Моне проектот за вмрежување за миграција и азил (МАПС), во кој учествува Правениот факултет – УГД како партнер институција. 

На конференцијата ќе се говори за улогата на судиите при Европскиот суд за човекови права но и Судот на правдата на Европската унија во заштита и промоција на човековите права на мигрантите и на барателите на азил, како и ќе се говори за прецедентното право на судовите во делот на заштита на мигрантите и барателите на азил.  

На конференцијата ќе зборуваат Maria Gavouneli (University of Athens), Gabriela Oanta (University of A Coruña), Maria-Louiza Deftou (University of Athens), Julie Ferrero (University Jean Moulin Lyon 3), Hélène Raspail (University of Le Mans), Giuseppe Cataldi (University of Napoli L’Orientale), Loic Robert (University Jean Moulin Lyon 3), Elena Maksimova (University Goce Delcev – Stip), Niovi Vavoula (Queen Mary University of London), Ester del Nonno (University Jean Moulin Lyon 3).