![](/images/2021/04/7-EUWEBLectue8/2.jpg)
-
Создадено: Петок, 09 Април 2021
Проф. Ана Никодиновска Крстевска од Правниот факултет, УГД – Штип во четврток (08.04.2021) со почеток во 15.00 часот, во рамките на Модулот Жан Моне за соработка помеѓу ЕУ и Западен Балкан во делот на правда и внатрешни работи, ќе предава на тема „Договорите за реадмисија помеѓу Европската унија и земјите од Западен Балкан “.
Во серијата на предавања на тема Европски стратегии за борба против нелегалната миграција: принцип на невраќање, протерување и реадмисија на нерегуларни странци, ќе говорат Фабио Спиталери (Fabio Spitaleri), професор на Универзитетот во Трст; Катерина Бове (Caterina Bove), правник во асоцијацијата ASGI; Зоран Дранговски, претседател на Македонското здружение на млади правници; Даниеле Бомбарди (Daniele Bombardi), регионален координатор на Каритас (Италија) за Југоисточна Европа; Тереза Русо (Teresa Russo), професор на Универзитетот во Салерно и координатор на проектот EUWEB; Ана Ориоло (Anna Oriolo), професор по меѓународно право на Универзитетот во Салерно и Гаспаре Далиа (Gaspare Dalia), професор по казнено право на Универзитетот во Салерно.
Oва е шестото по ред предавање од серијата на предавања кои се предвидени да се одржат во втората едиција на Жан Моне Модулот „ЕУ и Западен Балкан, соработка во правда и внатрешни работи“, во кој Правниот факултет учествува како партнер институција.