Излезе единаесетиот број на Годишниот зборник на Правниот факултет за 2021 год. Годишниот зборник претставува научно списание во кое се промовираат ракописи од областа на правото, политичките науки и социологијата, и е отворен за автори кои доаѓаат од академската заедница, вклучувајќи студенти запишани на трет циклус на студии.

Годишникот има меѓународен уредувачки одбор и трудовите може да се објавуваат на македонски, англиски и руски јазик.

Овој Годишен зборник го посветуваме во чест на на асистент д-р Александра Роглева, драга колешка, која за жал денес не е меѓу нас. Нејзината биографија и нејзините дела се пренесени во Годишниот зборник, подготвени од доцент д-р Елена Максимова, нејзин близок соработник и пријател.

Сакаме да ја запамтиме Александра Роглева која беше извонреден млад академски научник и соработник, неуморна и полна со енергија, секој пат посветена на работата и постојано насмеана. Таа ќе остане засекогаш во нашите мисли и нашите срца, и ќе биде предводник на генерациите што допрва доаѓаат.

Слава ѝ!

Правен факултет, 

Универзитет „Гоце Делчев“ - Штип