На 13 април, со почеток од 11 часот, на Правниот факултет во Штип Фондацијата „Конрад Аденауер“ во соработка со Центарот за европски студии „Вилфрид Мартенс“ во Брисел, Институтот за општествени истражувања – МК91 во Скопје и Правниот факултет на Универзитетот „Гоце Делчев“ во Штип организираат хибриден настан „Катедра Аденауер 2022: Безбедност, трговија и меѓународно право - можно влијание од руската агресија врз Украина“.

Сите заинтересирани можат да се регистрираат на следниов линк.

Линкот за учество на настанот овде.

Катедра Аденауер претставува научно-образовна платформа на која студенти, експерти и претставници на академската заедница дискутираат и ги споделуваат своите гледишта околу актуелни теми кои се однесуваат на влијанијата од руската инвазија на Украина врз меѓународната безбедност, улогата и моќта на меѓународното право, како и финансиско-економските трендови во Европа и во светот.

Со свои излагања на настанот ќе учествуваат:

Дејан Маролов

Професор на Универзитетот „Гоце Делчев“ – Штип

Методиј Хаџи-Јанев

Професор на Воена академија - Скопје /

поранешен воен аташе во Вашингтон

Јован Андоновски 

Вонреден професор на Универзитетот „Гоце Делчев“ – Штип

Донка Марковска

Економски аналитичар

Кирил Миноски

Поранешен министер за финансии

Настанот ќе го отворат Даниел Браун, официјален претставник на Фондацијата „Конрад Аденауер“; Димитар Лилков, Центар за европски студии „Вилфрид Мартенс“; Иван Јорданов, градоначалник на Штип; Олга Кошевалиска, декан на Правниот факултет во Штип и Васко Наумовски, претседател на Институтот за општествени истражувања – МК91 кој ќе биде и модератор на панел-дискусијата.  

Работни јазици на настанот се македонски и англиски јазик.

Настанот ќе биде организиран со физичко присуство во согласност со сите безбедносни протоколи за заштита од корона вирусот и преку платформата Microsoft Teams.