ПРВО ПРЕДАВАЊЕ ОД ЦИКЛУСОТ „ОДРЖЛИВ РАЗВОЈ ВО ПРАВОТО И ПОЛИТИКИТЕ“, 18.10.2022, ПОЧЕТОК 8.30 ЧАСОТ, СВЕЧЕНА САЛА, ПРАВЕН ФАКУЛТЕТ, УГД – ШТИП

На 18.10.2022 со почеток во 8.30 часот во Свечената сала на Правниот факултет, УГД - Штип ќе се одржи првото предавање од циклусот на предавања по одржлив развој, кои се дел од активностите на истоимениот проект предводен од Центарот за анализа на право и политики на Правниот факултет, УГД - Штип.

Предавачи на првото предавање ќе бидат проф. Ана Никодиновска Крстевска, која ќе одржи воведно предавање за концептот на одржливост и за поимот на одржлив развој, и проф. Борка Тушевска Гавриловиќ, која ќе говори за одржливиот развој во конкурентското право. Предавањето ќе може да се проследи и онлјан со приклучување на овој линк (Click here to join the meeting).

Циклусот на предавања за одржлив развој во правото и политиките, се состои од серија на предавања за одржлив развој низ призмата на правно-политичките дисциплини, коишто се блиски и ги надополнуваат тематските целини од различните предмети на редовните студии на Правниот факултет. Предавањата ќе бидат насочени кон продлабочување на теми поврзани со екологијата, трговското право, кривичното право, трудовото право, грaѓанското право, правото на Европска унија, половата еднаковст, одржливи политички системи и слично.

 

Предавањата ќе се одржуваат од професори и асистенти од Правниот факултет, но и од професори, докторанти и истражувачи од Универзитетот Мишколц во Унгарија. Предавањата ќе се одржуваат на хибриден начин, дел ќе бидат со физичко присуство и дел ќе бидат онлајн. Вкупно ќе се одржат околу дванаесетина предавања распоредени во периодот од октомври до декември 2022.

Предавањата се погодни за сите студенти, и посетата на предавањата ќе биде забележана и ќе биде вреднувана со финален сертификат за учество, како и во договор со предметните професори за предметите кои допираат до материјата во одредени сегменти, ќе можат да бидат наградени со соодветни поени за активности од вежби и/или предавања.

За привајување за предавањата пратете мејл или на Оваа е-адреса е заштитена од спамботови. Треба да ви е овозможено JavaScript за да ја видите. или Оваа е-адреса е заштитена од спамботови. Треба да ви е овозможено JavaScript за да ја видите..

Ве очекуваме!