Претседателот на Северна Македонија, Стево Пендаровски денес оствари посета на Универзитетот „Гоце Делчев“ каде и одржа предавање пред студентите на Правниот факултет.

Пендаровски најпрвин се сретна со ректорот на УГД, проф. Д-р Дејан Мираковски, каде се разменија идеи за можна соработка и развој на Универзитетот Гоце Делчев, како и на високото образование воопшто. Ректорот на УГД му врачи на претседателот и плакета од Универзитетот со ликот на Гоце Делчев. 

После средбата претседателот Пендаровски одржа предавање пред студентите на Правниот факултет на УГД каде зборуваше за улогата и надлежностите на функцијата претседател, а студентите имаа можност и да поставуваат прашања до претседателот.

Задоволство беше да ги слушнам нивните размислувања и лице в лице да одговорам на прашањата поврзани со функцијата што ја извршувам, како и за актуелните состојби во државата и во регионот. Благодарам за интересот, напиша претседателот Пендаровски на Фејсбук после средбата.

Предавањето пред студентите ви го пренесуваме во целост: