Студентите од Правен факултет викендов, 3-5 мај, учествуваа на вториот „Pre Moot Court“ натпревар за познавање на постапката пред Европскиот суд за човекови права, организиран од Правниот факултет во Ниш.

Тимот „A Fortiori" беше составен од апликанти - Сања Саздова (IV година), Кристијан Јованов (IV година) и Вероника Газепова (IV година) и респонденти или претставници на државата - Давид Митровиќ (IV година), Зорица Јакимовска (IV година) и Елена Трајковска (постдипломски студии). Студентите беа предводени од двата академски „mоotcourt“ тренери доцент д-р Дејан Маролов и доцент д-р Елена Максимова. На натпреварот учествуваа неколку тимови од правни факултети на Балканот. Покрај одличното искуство и стекнатото знаење, екипата на респондентите се здоби и со посебно признание за најдобар успех. Овој натпревар беше од подготвителен карактер. Тимот во ист состав ќе се натпреварува на овогодишниот „FUTURA Moot Court“ натпревар организиран од Civil Right Defenders на доделен хипотетички случај. Им честитаме за извонредните квалитети и познавања покажани на овие подготвителни мечеви и им посакуваме многу успех во она што им престои.