Денес, преку платформата на Microsoft Teams, за бруцошите, Деканот на Правниот факултет го одржа првиот академски час.

Студентите се запознаа непосредно со алатките кои им го олеснуваат студирањето, како е-библиотека, е-учење, е-индекс и сл.

Се запознаа со платформата преку која ќе го започнат своето студирање и можностите кои ги нуди, како и со наставните и воннаставните активности кои ги нуди факултетот за нив.

Иако годината ја започнуваат во невообичаени услови ги охрабруваме да гледаат кон тоа како на предизвик кој ќе ги направи поборбени и повешти во иднина.

Уште еднаш, им посакуваме успешен старт на учебната година и лесно совладување на наставниот материјал. Им препорачуваме вклучување и во сите воннаставни активности кои, семестаров, ги пренасочуваме преку интернет, но не ги откажуваме.

Наставниот кадар ви стои на располагање кон креирањето на вашата успешна академска приказна.

Среќен почеток!