Автори/Уредници:

Ана Никодиновска Крстевска и Јана Јакимовска

Издавач:

Универзитет „Гоце Делчев“ – Штип,

Центар за анализа на право и политики,

Правен факултет и Ликовна академија

Година: 2018

ISBN 978-608-244-511-3

Краток приказ:

Електронската публикација Не е шега: дискриминација, цензура е прва публикација на студентски трудови и плакати од студентите од Правниот факултет и студентите од Ликовната академија при УГД – Штип.

Публикацијата е посветена на тема антидискриминација, човекови права, превенција на говор од омраза и криминал од омраза и претставува плод од соработката помеѓу Правниот факултет и Ликовната академија и претставува еден интересен сплет на наука и уметност кој се спојува во една заедничка збирка. Преку еден интердисциплинарен пристап, публикацијата прикажува трудови од студенти од Правниот кои беа презентирани на втората Студентска конференција „Студентската мисла во правото, политиката и општеството“ организирана од Правниот факултет во октомври 2017 г., и кои се резултат од активностите што студентите ги остварија во текот на нивното студирање под ментроство на проф. Ана Никодиновска-Крстевска и проф. Страшко Стојановски, во рамките на проектот од Мисијата на ОБСЕ во Скопје, насловен „Превенција од дискриминација и постапување во случаи на криминал од омраза и говор на омраза во 2015/20162017 година. Освен трудовите, во публикацијата се содржани и постери од студентите од Ликовната академија при УГД, кои под менторство на вон. проф. д-р Јана Јакимовска, тие ги подготвија за одбележувањето на Денот на Европа на Правен факултет со изложбата насловена „Дискриминација“ и за работилницата „Слобода на изразување“.