На 2 јуни 2022, со почеток во 9.00 часот, на Правниот факултет при Универзитетот „Гоце Делчев“ – Штип, ќе се одржи семинар на тема Концептот на одржлив развој низ правото и политиките: застапеност, предизвици и перспективи.

Студентите од Правниот факултет при Универзитет „Гоце Делчев“ направија истражување на тема „Зошто младите се иселуваат“ под менторство на проф. д-р Страшко Стојановски. Денес на Правниот факултет се презентираа резултатите од истражувањето.

Почитувани, Центарот за правни истражувања и анализи, во рамки на програмата “Унапредување на квалитетот и одговорноста во Македонскиот правосуден сектор”, финансирана од Амбасадата на Кралството Холандија, Ве поканува на промоција на започнувањето на вториот циклус на веб порталот Justice Observers – www.justiceobservers.org.

Во текот на месец мај  беа одржани серија предавања како дел од активностите во рамки на проект на Правниот факултет при УГД подржан од страна на ЕУ, од програмата Еразмус + (Project Reference: 2020-1-MK01-KA107-077523) каде партнерска држава на Универзитетот Гоце Делчев е Руската Федерација и Правниот факултет при државниот Универзитет во Санкт Петерсбург.

Наши студенти, предводени од асистент м-р Ана Здравева, земаа свое учество во повеќе активности, по повод одбележување на денот на Европа – 9 мај,  организирано од Европското движење во Република Северна Македонија во партнерство со Фондацијата Конрад Аденауер и Центарот за европски студии Вилфред Мартенс од Брисел.

На 12 мај 2022 со почеток во 9.30 часот во рамките на Институтот за меѓународни правни студии при Националниот истражувачки совет во Рим, Италија, ќе се одржи семинар на тема Мигранти или бегалци: Дали Европската унија ќе успее да ги заштити правата на сите?