Универзитет „Гоце Делчев“ преку меѓународен проект ќе креира студиска програма по истражувачко новинарство и тренинг програма за млади креатори на содржини, новинари и медиумски работници. Целта на проектот е да се создаде студиска програма по истражувачко новинарство која недостасува, не само во Македонија, туку и на ниво на Балкан.

Македонско-американската алумни асоцијација, во соработка со Амбасадата на САД во Македонија, одржа презентација пред студентите на Универзитетот „Гоце Делчев“ – Штип. Презентацијата се однесуваше на волонтерството и вoннаставните активности, но и на можностите за престој и студирање во САД, кои ги нудат програмите на Амбасадата на САД во Македонија.

На 30 март 2023 г. (четврток) со почеток во 10 часот, во свечената сала на Правен факултет – УГД, ќе се одржи промоција на книгата „Есеи за миграции и азил“ во уредништво на Ана Никодиновска-Крстевска, Олга Кошевалиска и Елена Максимова, во издание на Универзитет „Гоце Делчев“ - Штип. 

 Повелете, ве очекуваме! 

        Министерката за одбрана Славјанка Петровска дебатираше со студентите на Универзитетот „Гоце Делчев“ – Штип на тема „Клучни предизвици на сајбер одбраната и безбедноста на РСМ, можности по членството во НАТО“. Дебатата е дел од активностите за одбележување на Денот на НАТО и годишнината од членството на Северна Македонија во НАТО.

Почитувани,
Правниот факултет ве поканува да учествувате на 10. Меѓународна научна конференција „Општествени промени во глобалниот свет“, што ќе се одржи на 28 и 29 септември 2023 год.  во Штип.

Почитувани,   

Македонското здружение на млади правници во рамки на проектот „Студентите по право и младите правници – Клучни агенти на промени за унапредување на човековите права и владеењето на правото во Република Северна Македонија”, поддржан од Амбасадата на Кралството Холандија во Скопје, спроведува сет од меѓусебно поврзани еднодневни курсеви за практични правни вештини.